Related Posts with Thumbnails

2011年10月1日 星期六

留園雅敘 - 水準上海菜

母親節, 一早訂了位係而度. 揀而度係因為無特別餐牌又或者收附加費, 係大時大節來講又算係不論的選擇. 當然係人山人海, 但店方留了舒適的卡位給我們, 好好坐.

基本上都係跟KC兄的食評去叫, 避了評語麻麻的醃篤鮮, 要了鮮魚羹, 薰蛋, 煙薰雞, 里脊肉配叉子燒餅同鹹蛋黃炒肉蟹.

薰蛋: 9, 一上臺係好大陣的煙燻味, 食落口除了煙燻味之外, 仲有鮮甜的溏心蛋味, 剛好一人一件, 精彩.



煙薰雞: 6, 煙燻味太少了, 部份黑肉係幾得的, 但有些白肉又太鞋, 加上隻雞太過肥, 係食到尾都有剩. 似乎跟得龍甚至留家都有段不少的距離.




里脊肉配叉子燒餅: 9, 跟上京蔥, 麵醬同紅椒去炒, 里脊肉係相當香口, 肉質幾靚, 係油了點, 但配上叉子燒餅, 又能減少那份油膩感. 薄薄的叉子燒餅幾香脆, 單食而個都無叫飯了.



鹹蛋黃炒肉蟹: 8, 一上臺係陣香香的鹹蛋黃味. 賣相係金黃色一片, 鹹蛋黃佔滿係蟹上面. 係要連殼食先能盡收那份不能抗拒的香味, 蟹肉就麻麻新鮮, 又或者鹹蛋黃先係主角? 相比之下, 又好像東寶的芋頭煮肉蟹更加吸引.

鹹蛋黃實在係勁肥, 真係邊食邊學蔡生那句: 膽固醇萬歲.



鮮魚羹: 8, 生拆的魚肉幾鮮, 連個羹都幾鮮甜, 又沒有一般上海菜的濃味, 食完鹹蛋黃之後很好的緩衝.



整體食物水準幾高, 但有些食物就令人失望, 價錢偏貴, 雖然人多, 但服務都不錯, 係城中值得一試的上海菜.

評分
味道: 8/10
環境: 6/10
服務: 6/10
抵食: 8/10
推介度: 8/10

餐廳資料:
留園雅敘
灣仔駱克道54-62號博匯大廈3
2804 2000

沒有留言:

張貼留言