Related Posts with Thumbnails

2012年5月1日 星期二

稻坊 - 一蚊雞

一蚊雞, 相信是不少人的回憶. 十六年前的一蚊雞推出的時候, 我還未回到香港. 轉眼間, 人和事都有很多的變遷, 而稻香這次再現一蚊雞, 就趁是晚一家人晚飯來一試. 晚上六時許來到, 人客已經不少, 不過我們訂了位就不用等. 見稍後時間是更加之旺場, 檯檯都叫一蚊雞, 相當熱鬧.



貴妃穗香雞 $1: 7, 其實可以叫半隻, 只需$0.50, 不過套用文迪一句, $0.50她豪俾我吧, 那有人會來只吃半隻雞. 份量其實不算太多, 這隻不是大雞. 肉質是偏實, 是因為店方用的是廣州走地雞吧, 有部份地方更是幾難咬得開. 反而難得的是雞味還算突出, 今時今日來講已經甚少見到. 這隻一蚊雞, 不算是好高水準, 但就一定是超級抵吃. : 究竟一蚊雞三斤龜邊個貴?


金銀蛋扒菠菜 $58: 6, 也要碟菜吧, 菠菜實在偏老, 不過配上金銀蛋同吃, 還是下火的好選擇.


螺頭燉雞湯 $148: 7, 另外要了客孖寶, 其中一寶是螺頭燉雞湯, 大大煲, 熱辣辣, 湯幾鮮甜, 不會太油, 不過嫌螺頭味道被雞的味道蓋過了.


脆皮鮮果咕嚕肉: 6, 這就是另一寶. 雖然叫做脆皮鮮果咕嚕肉, 但是晚吃到的不夠脆皮, 肉就是實實的. 甜酸度較得就幾好, 幾開胃的, 菠蘿也幾鮮甜.


整體食物水準還可以吧, 不過單是為了來吃一蚊雞已經值回票價. 環境是典型酒樓格局, 不過如果有卡位坐的話就幾舒適. 服務方面就幾甩漏, 或者實在太旺場了. 這個一蚊雞優惠只是去到430, 不知道你又是否在任何一家稻香集團的店子享用過呢?

評分
味道: 7/10
環境: 6/10
服務: 6/10
抵食: 8/10
推介度: 7/10

餐廳資料:
稻坊
荔枝角寶輪街1號曼克頓山商場1102
2716 9888

沒有留言:

張貼留言