利苑酒家 - 北角店 - 合理

是晚又是一家人晚飯的日子, 這次就揀了北角這家利苑. 店子的裝修跟其他分店不大分別, 不過去洗手間就要入番去商場, 環境更是相當差, 單計這點, 此店就是比較輸蝕. 來到利苑, 當然不能不要煲湯去飲, 另外, 冬天的時候要煲仔飯也是好選擇, 再加幾味小菜, 好足夠了.

雞骨草煲豬橫脷 $68: 8分, 相當夠火候, 也好清甜, 這裡的湯, 繼續沒有令人失望.

順德桂花炒瑤柱 $78: 7分, 炒得乾身, 加上瑤柱, 更加香口, 不過就嫌味道是寡了點.

潤燒昆明乳鴨仔 $88: 4分, 燒得過了火, 隻鴨是無乜肉汁了, 乾乾的, 無乜色澤. 叫做鴨仔, 但想不到是沒有甚麼肉落肚, 好像只得皮同骨. 認真麻麻.

濃湯野菌娃娃菜 $78: 7分, 娃娃菜嫩滑, 跟上濃湯同吃, 是好好的去清一下味蕾. 而野菌就不是我喜歡的項目, 留給媽媽吃好了.

  

冬菜五花腩臘味煲仔飯 $96: 8分, 等了差不多三十分鐘, 去到尾聲先有得食. 飯粒吸收了臘味的香味, 相當之香, 加上煲底的飯焦, 是交足功課的煲仔飯. 至於材料方面, 當然以臘味最吸引, 香味撲人, 怕肥也要吃多兩件

  

棗皇鮮百合燉雪蓮子 $28: 8分, 一向喜歡這裡的糖水, 是晚吃到的是燉雪蓮子, 不會太甜, 相當滋潤. 想吃的記得點菜時就先預留, 遲了或許會售罄呢.

除了燒鴨仔之外, 其他食物依然是有水準的. 服務方面, 就繼續是一般. 不少人對幾家利苑都取得星星有點意見, 如此店正是連續兩年入圍一星, 但我覺得這裡的整體表現還算是幾好的, 在一眾一星店來講, 已經算是合理的了.

評分

味道: 7/10

環境: 6/10

服務: 7/10

抵食: 7/10

推介度: 7/10

餐廳資料:

利苑酒家

北角城市花園9座

2806 0008