Related Posts with Thumbnails

2012年9月26日 星期三

Yagura - 精彩的Omakase

是晚又是FHY小組出動的時間, 能夠跟兩位好朋友一同試菜, 真是特別高興呢. 首先謝謝店方的邀請及公關朋友的安排, 能夠來到Yagura一試大廚的手勢. 店子是走居酒屋的形式, 環境簡潔, 見有不少客人是放工後前來Happy Hour再直落晚飯. 加上是晚是星期五晚, 大家翌日不用上班, 自然能夠更加盡情, 店子是差不多全場爆滿, 相當熱鬧.



是晚吃的是Omakase, 全部由大廚發板. 先來喝一杯吧, 朋友們都是揀選沒有酒精的飲品, 加上雪糕, 看上去也好吸引.


奇幻: 9, 我就選了杯sake cocktail, 名為奇幻, 賣相特別, 材料包括有清酒, 奇異果糖漿, 蜜糖, 檸檬汁及梳打水, 其實酒精度不會太高, 易入口, 奇異果配上蜜糖, 是幾匹配的組合.


炸廣島蠔: 9, 先來兩客炸物小食送酒, 炸廣島蠔炸得熱辣辣, 幾香脆, 不會太油, 蠔本身是好肥美的, 加上火候剛剛好, 肉質還保持嫩滑的, 有水準.


炸雞軟骨: 9, 另一款炸物就是炸雞軟骨, 一樣的炸得香脆, 幾乾身, 有咬口, 實是送酒的良物.


刺身拼盤: 9, 到了Omakase的部份, 先來的就是陣容相當鼎盛的刺身拼盤. 用上新鮮的材料製作而成的刺身, 包括有秋刀魚, 吞拿魚, 日本三文魚, 池魚, 平目雕, 北海道葡萄蝦以及生蠔等等. 開始踏入秋季, 自然是吃秋刀魚的好季節, 是晚吃到的秋刀魚是相當鮮嫩, 加上師傅刀功一流, 實在是令人回味. 至於日本三文魚就是特別的肥美, 比平日吃開的挪威三文魚吸引得多. 北海道葡萄蝦肉質是晶瑩剔透, 份量小巧, 是相當之鮮甜. 至於生蠔方面, 一樣的新鮮, 海水味濃, 但完全沒有腥味. 這客刺身拼盤, 實在是相當精彩.




響螺鮑魚松茸湯: 9, 再來的就是響螺鮑魚松茸湯, 相當豐富的食材, 全放進隻響螺之內, 鮑魚配上松茸, 名貴之餘, 令到啖湯是相當濃郁而鮮甜.


燒梭子魚: 8, 跟著就是原條燒梭子魚, 燒得剛剛好, 不會太乾, 但肉質是有點點實, 不過原條去吃, 又實在是相當有風味的.


烏冬: 9, 本來還是半飽的, 吃完這碗烏冬馬上十二分飽. 份量十足, 湯底鮮甜, 烏冬質感對辦, 幾彈牙, 配料方面, 有溏心蛋, 五花腩以及梭子魚, 其實單單吃這碗烏冬都已經相當足夠.


蜜瓜: 9, 最後送上完熟蜜瓜, 相當清甜, 那份甜味留在舌尖上, 帶點餘韻. 一人只得一塊, 不夠喉呢.


整體食物實在有相當高的水準, 每一道菜色皆令人滿意, 單是那刺身拼盤已經教人難忘. 服務方面, 師傅在每道菜色上檯時也有詳細的介紹, 實在貼心. 一班朋友開開心心的共聚一晚, 實在是愉快的時光. 下次再吃過吧.


評分
味道: 9/10
環境: 8/10
服務: 9/10
抵食: 8/10
推介度: 9/10

餐廳資料:
Yagura
佐敦彌敦道380號香港逸東「智」酒店地面下層LG/F
2710 1010

沒有留言:

張貼留言