皇國點心 - 需要提升

是日又一次要來個馬拉松式的練歌, 之前當然要吃得飽飽, 就來了這家店子一試. 之前有好幾次星期日想拉隊來飲早茶, 但這裡要十一時才開始營業. 唯有等到是日方能到此吃個午餐. 這裡環境幾擠逼, 擺位是相當之密, 如果客人多的時候不會太舒適. 看看點心紙, 其實選擇不算太多, 奇怪的是有不少在牆上寫著的點心是沒有供應.

鳳爪排骨飯 $20: 3分, 要了客蒸飯, 排骨是相當之肥, 基本上沒有甚麼瘦肉的部份, 鳳爪就還可以吧. 飯是太濕, 也不夠香.

墨西哥叉燒包 $13: 3分, 熱度不夠, 皮不夠脆, 包是麻麻鬆化, 入面的叉燒肉質實實的, 幾難咬得開.

蜜汁叉燒腸 $16: 4分, 叉燒同樣實實的, 很難去咬, 腸粉皮太厚, 而且只有兩條腸粉, 即是每條平均價不算特別便宜.

招牌蝦餃皇 $12: 3分, 叫得招牌, 還以為會是水準之作, 不過也是令人失望. 蝦餃皮太厚, 入面只有蝦肉, 太大粒, 但味道好寡好淡, 又不夠鮮味, 調味是做得不太理想.

蟹籽靚燒賣 $12: 3分, 又是大大粒, 難道做得大粒就代表抵食及好食? 燒賣的味道一樣的太寡, 沒有甚麼調味, 加入了蟹籽, 但對食味的幫助不大.

整體食物水準其實認真一般, 看來店方實在需要在質素上作出提升, 否則要在市場中突圍而出實不容易. 價位方面, 不算太便宜, 服務方面, 是叫極加茶也沒有反應, 收銀的店員的態度更是奇差, 對客人呼喝, 為甚麼呢?

評分

味道: 3/10

環境: 3/10

服務: 1/10

抵食: 3/10

推介度: 3/10

餐廳資料:

皇國點心

旺角黑布街15號地下

2487 5678