鼎泰豐 - 有水準的小籠包

唱完受苦節之後, 又要繼續練復活節, 加班之後, 想吃點喜歡的食物, 但又要念及第二朝的崇拜, 都係清一點比較好, 就來這裡晚餐.

舊店去過不少次了, 最後的階段, 仲係有特價套餐, 水準也是下跌. 新店係直營店, 也有點期待的. 原來這裡係沒有落場的. 五點幾來到, 等一陣就有位了. 當然, 唯有早一點來吃先不用大排長龍.

其實這裡係等位時已經有紙用來落單, 令到個流程係比較快的. 但係我們坐低了仲未揀好, 最後先揀了以下食物.

小籠包 $42: 10分, 跟文迪討論完之後, 還是覺得應該給這個小籠包一個大十分. 平心而論, 係幾喜歡之前舊店的小籠包, 但現在的水準係更好. 皮夠薄, 起摺, 有好多湯汁, 飲落口係熱辣辣的, 肉也有鮮味. 係吃完一口又一口, 仲要係一口擺入口先感受到那份震撼. $42一客六隻, 不便宜的價位, 但值.

原盅牛麵 $55: 9分, 另一個必試的項目. 叫得原盅牛麵, 係牛展湯一盅, 麵另外上, 但係只得一碗, 似乎不是用來填肚的. 個湯係好入味, 牛展夠淋, 跟上麵條一齊吃, 好得.

蝦仁燒賣 $58: 7分, 係是晚比較令人失望的一道菜色. 本來也不打算叫的, 但見有不少臺有叫而樣, 又心思思地加了而樣. $58一客, 共有六粒, 比小籠包更加貴. 好像酒樽一般, 不過係有粒燒賣塞係個口度, 湯汁係比較小, 皮也比較厚. 其實跟小籠包分別不太大, 不值得再叫一個貴版.

豆沙大包 $15: 7分, 另一個麻麻的點心, $15一大個包, 不便宜, 但係水準不太高. 包係不太鬆化, 入面的豆沙就不太甜, 幾好. 但係應該係叫豆沙小包的水準會較好.

荔芋小包 $30: 9分, 比舊店的更加好吃, 小小的包, 皮一樣夠薄, 香香的荔芋, 很鍾情的一客甜品.

整體來講, 食物係有水準的, 單單係小籠包, 原盅牛麵同埋荔芋小包都令人有回頭的衝動. 環境係幾好的, 服務或許係以台灣人為主, 態度係比一般港店誠懇, 走時仲要鞠躬, 滿分了. 係價位偏高, 不過吃到滿意的食物, 也值得的.

吃完未夠7點, 好多好多人.

評分

味道: 8/10

環境: 8/10

服務: 10/10

抵食: 8/10

推介度: 8/10

餐廳資料:

鼎泰豐

尖沙咀廣東道30號新港中心3樓130號

2730 6928