Garrett Popcorn - 不在戲院吃爆谷

其實我一向不太喜歡吃爆谷, 跟文迪一起看電影, 起碼都有二百幾三百次, 但有買爆谷一路看電影一路食只知得一次. 但在中環開了這家新店子, 來頭不少, 在芝加哥已有六十年歷史. 好, 又試試這裡的爆谷有甚麼特別.

不知大家有沒有在美國看過電影, 吃過爆谷, 我小時候在那邊當然有吃過AMC以及Edwards入面的爆谷, 但那兒的爆谷是無乜味道的, 跟香港吃到的是完全不同. 真不知道這家芝加哥爆谷店是否那種水平呢?

星期日的晚上來到, 一家人晚飯之後, 其實都飽飽地, 就買一客分吃吧. 六款口味分別是車打芝士, 牛油, 焦糖, 焦糖杏仁, 焦糖腰果以及焦糖夏威夷果仁. 我是最愛吃焦糖的, 見到有焦糖味, 大喜, 就揀了這款口味.

焦糖爆谷 $49: 7分, 一客要賣到$49, 實在不是便宜的價位. 但只是選了最小包的, 份量也是相當, 我們四個人分吃, 也是食極都食唔完, 真不知道一個人吃一客能夠清到多少.

爆谷新鮮熱辣, 基本上沒有未爆開的爆谷. 外皮相當之脆, 但入面就有超濃的焦糖味, 甜度是非常之高, 起初還沒有大問題, 但之後就覺得越來越甜, 到了我不太能接受的地步. 或者我真的不懂得叫人家的招牌Chicago Mix (即是車打芝士配焦糖), 如果鹹甜配的話應該易入口一點, 大家切記了.

評分

味道: 7/10

環境: 7/10

服務: 7/10

抵食: 7/10

推介度: 7/10

餐廳資料:

Garrett Popcorn

中環港景街1號國際金融中心1樓1050號舖

2234 7494