又一次來到這家京菜館, 吃過幾家城中的京菜, 還是這裡的水準最高, 每次來吃也是吃得相當滿意. 是晚一行十五人, 為的是頌揚的生日局, 加上有遠方而來的貴賓, 對一眾頌揚人來講, 實在係榮幸. 貴賓旁邊的位置, 大家一致推舉小弟就坐, 小弟唯有用盡混身解數, 相信大家也有一個相當歡樂的晚上. 唉!
分街!
經過上局的教訓, 小弟特意叫了不少令大家飽肚的食物, 結果係吃得超級飽, 真係失禮貴賓了.
前菜$5一位,
15人已經收了$75, 只有一碟花生一碟泡菜, 即係三十幾元一碟, 認真不便宜.
糟蒸鴨肝 $105: 9分, 跟著來的係鴨肝, 見不是每個人也吃內臟, 只要了個中, 但也吃極都有, 幸好有弟兄M包底. 吃法國佬的煎鴨肝吃得多, 中式的做法也相當出色, 雖然沒有煎的香口感覺, 但吃落口也係馬上溶化, 相當軟淑. 底下的汁更加係精華所在, 加上有淡淡然的酒香, 也係令一個不能不吃的招牌菜色.
窩燒肘子 $280: 9分, 再來的係窩燒肘子. 早前頌揚們吃過寧波式的肘子, 這次再吃京式的, 正好作個比較. 是晚的肘子水準也幾好, 肘子皮炸得脆卜卜, 肉方面,
當然要挑肥肉的部份, 肥羔係相當肥美, 不怕吃肥肉的千萬不要錯過. 不過瘦肉部份係嫌比較實了小許, 還未算韌的, 但火候就好像差了點點. 應該講係相當不錯, 但未算係最好的.
烤北京填鴨 $280: 9分, 吃京菜,
當然要客填鴨先附合待客之道. 還記得小時候去到海運吃填鴨, 已經會高興了老半天. 但係是晚的填鴨似乎已經不是唯一的主角, 起碼大家的注意力已經集中係開頭的雞鮑翅. 是晚的填鴨皮相當之脆, 鴨肉嫩滑, 也忍不住吃了點肥羔點醬吃. 小弟一向喜歡剩吃鴨, 但見大家跟貴賓也興致勃勃地拿起京蔥同薄餅來包裝, 當然也要落手落腳地弄一片來吃. 來到這裡, 大家已經慢下來了. 結果這碟鴨也係轉極都有, 小弟好像也剩吃了好幾件. 當然, 這些美味的食物, 吃多一點也沒有問題.
扒四蔬
$100: 7分, 連吃兩道重份量的菜色後, 終於來了客扒四蔬清一清. 但看碟底的油也不少, 加上杰杰的獻汁, 似乎也不是個健康的選擇. 見姊妹們同埋弟兄C踴躍的去吃這道菜, 小弟係四蔬中只係吃了件粟米, 還是專心吃鴨好了.
山東大包 $225: 9分, 再來的係令到大家一輪哄動的山東大包, 一共要了15隻, 用兩個碟先能夠盛載, 上臺時係相當之壯觀. 說到這個山東大包, 其實不在餐牌入面, 但見蔡生大力推薦, 又即管試試. 吃到這裡, 能夠一個人吃掉一隻大包, 一定係實力分子了, 一眾姊妹就只係兩個人甚至三個人分吃一隻. 一隻包真係大隻過拳頭, 山東大包的皮係相當軟淑, 入面的餡料豐富, 熱辣辣, 香噴噴,
$15一隻, 吃得過,
但要留意份量, 千萬不要以為一人可吃到一隻.
燒二冬
$120: 7分, 來到這時, 胃的空間都沒有了, 見到這個獻汁杰杰的燒二冬, 不太對胃口, 只吃了一件, 都幾爽口的, 但沒有大興趣.
京燒羊肉 $90: 9分, 再來的又係肉, 雖然只係要了個中份量的羊肉, 但要吃清,對大家來講已經係不可能的任務. 羊肉燒得好香口, 肥瘦相連, 肉質嫩滑, 帶點點騷味, 其實相當精彩, 但也沒有人容得下超過一件了.
炒肉末榨菜 $90: 8分, 再來的係炒肉末榨菜, 另要了8隻叉子燒餅去送($48). 香口的燒餅, 面頭有好多芝麻, 把肉末榨菜塞滿了隻叉子燒餅. 假若單叫這個肉末榨菜就比較難吃下去, 有叉子燒餅去中和一下那份鹹酸味道, 剛好.
煎盒子
$120: 9分, 吃到這裡, 小弟還以為菜齊了, 原來忘記了這個姍姍來遲的煎盒子. 也係要了15隻,
一人一隻. 炸得相當香口, 但不算油膩, 隻盒子係脆卜卜的, 吃落口熱辣辣, 大家也突然回復狀態, 三兩 下就吃光了.
整體食物當然係相當高水準, 連茶$75($5
x 15), 泡菜$75($5 x 15), 埋單係$2401, 一個人$160,
吃得相當飽足, 其實係幾經濟的. 服務也不錯, 至少樣樣做足.
這局應該係吃得最飽, 但也吃得最高興的一局.
評分
味道: 9/10
環境: 6/10
服務: 7/10
抵食: 9/10
推介度: 9/10
餐廳資料:
鹿鳴春飯店 Spring
Deer
尖沙咀麼地道42號1樓
2366 4012
沒有留言:
張貼留言