蘇浙滙 Jardin De Jade - 幾祖國的感覺

能夠一家人吃飯, 實是歡喜的時間. 是晚又四個人一同晚飯, 為的是和小弟慶祝生日. 見這裡開了家新店, 是家人一向喜歡的菜色, 就來試試吧.

蘇浙匯的來頭不少, 在上海是家名店, 在澳門是一星店, 不知在香港會有甚麼成績? 店子開在的地段在灣仔碼頭附近, 星期日其實人流是幾小, 但也全場爆滿. 這裡在商業大廈的地下, 樓底高, 不會太嘈雜, 裝修是新派的, 幾有型格. 不過落單是寫在張簡體字的卡, 感覺都幾祖國.

打開餐牌, 發覺不少菜色都是貴價野, 是比坊間同類型的店舖貴了不少. 四個人都不能吃得太多, 也不想叫得太貴, 就只要了以下六樣食物:

蘇浙湯包 $58: 8分, 其實是小籠包, 一客六件要$58, 但不是蟹粉, 只是普通的鮮肉小籠包. 這個價位, 實是幾貴. 皮幾薄, 夾落去不會穿, 叫得湯包, 果然有濃郁的湯在內, 幾有鮮味.

招牌素鮑魚 $68: 7分, 小弟一向不愛吃素菜, 但見這個招牌菜價位比較相宜, 就要這個一試. 已經切開一片片, 方便大家分吃. 素鮑魚當然不是真的鮑魚, 而是用大豆黃白來做, 不過有跟真鮑魚一同煲滾, 吃落口是有小小鮑魚的香味, 是幾特別的一味. 人多叫一隻都足夠, 而家四個人吃就真係食極都有. 加上是下了不少的師傅, 是越吃越口渴.

招牌樟茶鴨 $98: 9分, 另一道招牌就是樟茶鴨. 這裡最特別是把鴨是熏, 再蒸及炸, 未吃落口已經聞到一陣煙熏味, 喜愛煙熏菜色的, 要試了. 除此之外, 鴨肉是幾嫩滑, 有肉味, 不會炸到太老. 不過跟上的蝴蝶包是無用武之地, 小小的蝴蝶包又怎能夾到大大件的樟茶鴨, 最後還是另外單獨吃簡單一點.

黃橋小燒餅 $36: 9分, 一客三件, 炸得脆卜卜, 面頭舖滿芝麻, 相當香口. 

瑤柱火筒煲娃菜 $68: 7分, 娃娃菜太大條, 老了點, 反而個湯是相當濃郁, 火腿也有鹹香.

傳統麻茸團 $28: 8分, 落單後等了一大輪, 之後又上錯菜, 搞了一輪終於有得食. 麻茸不會太甜, 質感幾好.

整體食物水準算不俗. 當然, 還有不少這裡的招牌菜未試齊, 不能下最後定案. 但這個水準又好像未到星級, 是還要熟習運作? 服務方面, 態度是認真麻麻, 這方面, 是最需要改善. 且看日後會有甚麼改進吧.

評分

味道: 8/10

環境: 8/10

服務: 5/10

抵食: 8/10

推介度: 8/10

餐廳資料:

蘇浙滙 Jardin De Jade

灣仔港灣道30號新鴻基中心地下G3–4舖

3528 0228