劉森記麵家 - 出色的蝦子撈麵

去了姊妹的綵排, 不好意思跟她們一家人吃飯了, 就剩下我們二人, 想起這裡的撈麵, 就過來吃吃.

環境不算好差, 至少夠光猛, 當然幾逼, 不過都係食完碗麵就走, 談心不如返屋企. 這裡的選擇基本上係兩種, 湯麵或者撈麵. 最後大家都係要了撈麵.

水餃蝦子撈麵 $28: 8分, 先吃招牌水餃, 果然大大隻, 好足料, 蝦肉都鮮甜. 不過湯底並不是這裡的強項, 飲兩啖覺得都幾口渴, 也不清甜, 宜避之則吉. 蝦子撈麵係真的成碟都係蝦子, 無欺場. 蝦子帶點鹹香, 撈得不勻的話一定好鹹. 麵條彈牙無乜鹼水味, 撈蝦子食真係相當強.

牛腩牛筋撈麵 $24: 7分, 試了兩口文迪的牛腩牛筋, 都叫做炆得夠淋, 但不太入味.

最大問題來了, 文迪吃著吃著, 先找到一條頭髮係牛腩中, 再吃又一條係麵條中, 衛生程度不行了.

當然, 單計這裡的水餃同蝦子撈麵都係幾出色的. 或者係我們好彩?!

評分

味道: 8/10

環境: 6/10

服務: 6/10

抵食: 7/10

推介度: 7/10

餐廳資料:

劉森記麵家

深水埗桂林街48號地下

2386 3533