南翔饅頭店 Nanxiang Steamed Bun Restaurant - 想說笑

長居外地的亞妹回港, 又係一聚的時候, 上次係同兩個妹係Rosemead吃了都相當差的越南野, 是次又係亞妹揀, 係煲仔飯同這裡之間, 揀了後者. 對上一次來, 好久之前了, 好像麻麻地, 之後也沒有再來, 是晚正好再試試. 坐了係個大卡位到, 寬敞的. 環境都幾好, 係黑了點, 其實吃這種菜色, 好像也不用太好情調吧. 三個人要了六樣食物, 好足夠了.

茶錢$8位, 係6款特別茶中揀一款, 小弟揀的係南翔茗茶, 用杯上, 有點像盅茶, 茶味會香濃點, 但係成日加茶, 都幾麻煩, 也搞到天一半地一半.

四喜烤夫 $28: 7分, 先來個頭盤, 烤夫都幾入味, 慢慢吃, 一路嘆茶, 幾好的.

雞絲粉皮 $38: 8分, 又要了個文迪喜愛的粉皮. 這就的賣相係幾精緻的, 層次分明. 香香的麻醬, 粉皮幾爽口, 雞絲也嫩滑.

雪菜毛豆百葉 $38: 6分, 亞妹揀了這個百葉, 其實小弟見到都心知不妙, 但無辦法之下也勉強接受. 不知為何, 碟野係好水的, 好像係個湯似的, 百葉淡淡的, 無乜味, 唯一好處就係吃得清淡一點. 係吃到尾都有剩的一道菜.

鮮肉小籠 $30: 8分, 這裡的招牌之一, 當然要叫. 一客6隻, 正好一人兩隻, 不算太多, 又可以試真點, 份量剛好. 這裡的小籠包皮夠薄, 但見6隻中也不是全部都靚, 有兩件都係穿了. 不是灌湯的緣故, 湯不很多, 不過鮮肉味道係幾好的. 這裡的小籠還有不少其他選擇, 有機會再來還可以試試其他口味.

蟹黃灌湯蝦球 $48: 8分, 有個燙口的小牌跟著, 吃落口也真的好辣口, 一啖吃落口就不得了. 外皮炸得脆卜卜, 入面的灌湯熱辣辣, 係直程可以飲的那一種. 蝦肉幾新鮮, 加上蟹黃, 精緻得來味道也滿意.

齊菜松茸炒年糕 $48: 7分, 要了個年糕作填肚之用, 炒得無乜火氣, 一般.

始終這裡都係點心類的菜色比較得, 其他的水準就比較參次. 不過大家傾著笑著過一晚, 店方也沒有任何趨趕之意, 整體都滿意的. 下次應該識點叫了.

評分

味道: 7.5/10

環境: 7/10

服務: 7/10

抵食: 7.5/10

推介度: 7.5/10

餐廳資料:

南翔饅頭店 Nanxiang Steamed Bun Restaurant

銅鑼灣軒尼詩道489號銅鑼灣廣場一期3樓305-8號舖

3690 2088