增煇藝廚 Glorious Cuisine - 血淚史

早前看雜誌寫過這店的血淚史, 也有興趣來這裡試一試. 就趁一家人玩完之後過了來. 未夠六點半來到, 坐係新鋪那邊, 環境比隔離店稍勝.

揀了四樣菜色.

南乳吊燒雞 $88: 7分, 見係店方推介的, 縱使係大排檔吃雞有過不少不愉快的經驗, 也要了半隻. 上臺時賣相一般, 色澤不太對勁. 但係吃落口覺得雞肉係幾嫩滑, 有點意外, 雞皮當然夠脆, 整體算不錯. 當然跟高水準的仲有段距離. 還有一點, 碟雞叫做南乳吊燒雞, 但係南乳味好像完全失了縱, 奇怪.

鬼馬脆油條 $53: 7分, 又叫了碟炸物, 心想應該無乜問題. 油條入面有墨魚滑同墨魚粒, 墨魚滑幾彈牙, 但係油條未夠脆, 同埋係比較油, 食食下已經慢下來, 尾段都係好難清. 其實都夠水準, 但係人多分吃會更好.

砵仔焗魚腸 $38: 8分, 這裡的焗魚腸係有好多油炸鬼, 魚腸不太腥, 整體焗得都好香, 送飯好好.

臺面蒸龍躉頭脯 $108: 8分, 要了個肥媽私房菜的人氣推介, 龍躉係幾靚, 幾新鮮, 魚肉係好猾, 不過份量不太多. 另外, 爸爸媽媽認為生菜係失敗的, 應該都要整熟先上臺. 另外侍應處理這個臺面蒸的菜色實在係好驚險, 差點就倒瀉成個兜.

味道也不錯, 但小弟覺得唔係同區大排檔的首選, 不過也值得一試.

評分

味道: 8/10

環境: 7/10

服務: 7/10

抵食: 8/10

推介度: 8/10

餐廳資料:

增煇藝廚 Glorious Cuisine

深水埗石硤尾街31-33號地舖

2778 8103