大榮華酒樓 - 麻麻

一年一度遠征屯門, 之後順便過元朗, 為的是食大榮華.

五點二就來到, 還可以有位, 再晚一點就不成了. 好一段日子無來, 都係見老朋友般叫回幾味主打. 見有麻蓉包, 大喜, 又叫一客.

鮑魚汁炆玉掌: 6分, 媽媽大力推介的食物, 賣相同味道都幾似鳳爪, 係個汁叫做變了鮑魚汁, 但食落又無乜鮑汁味. 一般.

圍頭五味雞: 5分, 從來都不懂五味係那五味, 但今次只係吃到頭抽的味道, 仍然係帶點甜味, 雞肉方面, 黑肉部份係幾嫩滑的, 但白肉就只係一般, 無乜味, 又鞋.

沒有了當初的驚喜, 差了很多.

雞蛋焗魚腸: 7分, 比較乾身, 有點腥味, 但不太過份. 面頭都幾脆, 算不錯.

白水檸浸烏頭: 5分, 據稱係用蝦眼水浸熟, 跟據爸爸講, 係剛滾起而起蝦眼的水, 食落口係肥美肉厚, 但又唔覺得老的. 鹹水檸檬就相當大味, 基本上係啖啖鹹水檸檬味, 吃不到魚的鮮味, 好像係用過量檸檬去掩飾魚味, 亦見不到甚麼黃油. 爸爸媽媽一致劣評, 我就覺得僅僅得救.

陳皮豆豉蝦: 5分, 剛上臺係幾香, 但食落口就好像無乜蝦的鮮味, 陳皮豆豉又不太跟蝦匹配.

豬油撈飯: 8分, 叫了一盅飯分吃, 一樽頭抽加一樽豬油, 撈一撈, 係相當香同惹味. 基本上係剩食盅飯唔食餸都無問題.

麻蓉包: 2分, 上臺時嚇了一驚, 包的外觀係好差, 竟然係叉燒包的樣子, 麻蓉並溜了出來, 奇怪., 真不像一款甜品,. 沒有麻蓉香, 麻蓉亦比較硬, 包本身係死實實, 跟蓮香剛吃過的係差十萬八千丈.

奶皇馬拉糕: 3分, 比幾年前差了好多好多, 基本上係無奶皇味, 唔夠香, 還算鬆化, 但層次感沒有了.

但一次要叫八件麻蓉包同馬拉糕實在太多, 點解唔可以叫四件.

送的綠豆同麥米都係麻麻.

水準差了很多, 完全沒有當初的好感. 走時又不是好多人等位, 人龍沒有從前般瘋狂. 看來要執一執.

唔斷絕來往, 都唔會短時間再來.

評分

味道: 5/10

環境: 6/10

服務: 6/10

抵食: 5/10

推介度: 5/10

餐廳資料:

大榮華酒樓

元朗安寧路2-6號2樓

2476 9888