紫玉蘭 - 水準一般

也有一段時間沒有跟家人吃飯了, 是晚就一同來這裡, 看看為何在一眾外省菜中, 這裡能突圍取得一星的成績. 況且家人也喜愛吃中菜, 能夠有機會一同享受一餐美味晚餐, 已經係福氣.

假期的晚上, 人客也不少的, 轉眼間也全店滿坐了. 雖則人多, 但也不覺得太逼狹, 以中式酒家來講, 環境一項的分數係幾高的.

先談的自然係這裡的美女餐具, 其他朋友的貼圖已經作出過不少報導, 小弟也當然要影番張到此一遊的相. 茶壺上的花也是紫色的, 不知是否紫玉蘭呢? 根據網上的資料, 紫玉蘭是名貴的落葉喬木, 高2-3米, 分枝帶紫色.

這裡是集團式酒家, 餐牌也熟口熟面, 在其他同集團的店也見過不少了. 價位就比平日吃開的高, 但還算可接受的. 當然不要吃那些套餐, 四人餐也千千聲. 自己在大餐牌慢慢揀, 能夠揀選自己喜歡的食物, 價位也不用那麼高.

砂鍋什錦: 8分, 先來一客砂鍋什錦. 店方的安排也幾細心, 吩咐先來個湯, 讓我們差不多喝完先再來其他菜色. 叫得什錦, 當然係乜都有點, 喝口湯, 相當濃郁, 也幾鮮甜, 喜歡喝湯的小弟, 連下兩碗也無問題. 另外還有腐皮, 魚蛋, 津白一大堆, 幾飽肚的. $158一大鍋, 夠六個人飲, 都算係不俗的開始.

杭州雞: 4分, 要了半隻杭州雞, 個汁偏杰同鹹, 雞肉也實在相當老, 又無乜肉落肚, 以骨為主, 認真麻麻.

  

不能不吃的蘿蔔絲咸肉: 7分, 改了這個名字的菜, 唔看得也嚇得人. 賣相幾特別的一道菜色, 一大碟蘿蔔絲, 加小小咸肉, 清清地, 又或許直接點講, 無乜味. 當然, 又不能要求清湯蘿蔔絲會有乜味. 不能不吃? 都係個菜名來罷了.

小籠包: 7分, 皮偏厚, 不過也不會一夾就穿, 湯汁幾濃郁的.

  

生煎包: 8分, 熱辣辣, 煎得香口, 個包也幾脆, 滿意.

蔥油伴麵: 7分, 吃過鑽石山那邊的出色蔥油伴麵, 這個就差一點了. 蔥油不夠香, 麵條還算不錯.

芝麻餅: 7分, 甜品要了這個, 幾鬆化的, 面頭鋪滿芝麻, 媽媽的最愛, 但原來更像叉子燒餅, 不過沒有餡放入去, 感覺又怪怪的.

  

  

整體來講, 個雞水準實在太差, 其他菜色水準就一般至中上, 係生煎包令人最滿意. 跟其他外省菜比(如寧波或者留園), 單計食物, 是沒有突出之處. 當然, 這裡的環境係幾好的, 服務也算不俗. 或許這就解釋了這一星的原因.

不過是晚跟家人有好好的傾計時間, 這又不是千金能夠替代的.

評分

味道: 8/10

環境: 9/10

服務: 8/10

抵食: 8/10

推介度: 8/10

餐廳資料:

紫玉蘭

金鐘夏愨道10號和記大廈地下至1樓

2524 8181